ပြည်သူ့စစ်မှုထမ်းဆိုင်ရာ အသိပေးကြေငြာချက်
ပြည်သူ့စစ်မှုထမ်းဥပဒေသည် ၁၀ - ၂ - ၂၀၂၄ ရက်တွင် စတင် အာဏာတည်ကြောင်း ထုတ်ပြန်ခဲ့ပါသည်။ သို့ရာတွင် ပြည်သူ့စစ်မှုထမ်းဥပဒေကို စတင် အကောင်အထည်ဖော်ရာ၌ လတ်တလောတွင် အမျိုးသမီးများကို စစ်မှုထမ်းရန်အတွက် ခေါ်ယူရန် အစီအစဉ်မရှိသေးကြောင်း အသိပေးအပ်ပါသည်။
ပြည်သူ့စစ်မှုထမ်းဥပဒေဆိုင်ရာ သိကောင်းစရာ
၁။ စစ်မှုထမ်းရမည့် အသက်အရွယ်ရောက်သူ -
(က) အမျိုးသား အသက်(၁၈)နှစ် မှ (၃၅)နှစ်။
( ခ ) အမျိုးသမီး အသက်(၁၈)နှစ် မှ (၂၇)နှစ်။
( ဂ ) ကျွမ်းကျင်သူ အမျိုးသား အသက်(၁၈)နှစ် မှ (၄၅)နှစ်။
(ဃ) ကျွမ်းကျင်သူ အမျိုးသမီး အသက် (၁၈)နှစ် မှ (၃၅)နှစ်။
၂။ ယာယီရွှေ့ဆိုင်းနိုင်သူ -
(က) ကျန်းမာရေးအဆင့်မမီကြောင်း ထောက်ခံချက် ရထားသူများ။
( ခ ) နိုင်ငံ့ဝန်ထမ်း၊ ပညာသင်ကြားနေသူများ။
( ဂ ) အခြားစောင့်ရှောက်မည့်သူမရှိသော မိအို၊ ဖအိုများကို လုပ်ကျွေးနေသူများ။
(ဃ) မူးယစ်ဆေးဝါးဖြတ်ရန် ဆေးကုနေသူများ။
( င ) ထောင်ကျနေသူများ။
၃။ ပြည်သူ့စစ်မှုထမ်းဥပဒေရည်ရွယ်ချက် - နိုင်ငံသားတိုင်းသည် ဒို့တာဝန်အရေးသုံးပါးကို စောင့်ထိန်းရန်တာဝန်ရှိသဖြင့် ယင်းတာဝန်ကို ထမ်းဆောင်နိုင်ရေးအလို့ငှာ နိုင်ငံတော်ကာကွယ်ရေး အတွက် စစ်မှုထမ်းဆောင်နိုင်ရန်။
၄။ ပြည်သူ့စစ်မှုထမ်းရန်ကာလ -
(က) သတ်မှတ်အသက်အရွယ်ရောက်ရှိသူ နိုင်ငံသားတိုင်း - ၂၄ လ
( ခ ) တပ်မတော်စက်မှုလက်မှုပညာသည်များအဖြစ်အမှုထမ်းရန်ဆင့်ခေါ် - ၃၆ လ
ခံရသူများ/ကျွမ်းကျင်သူများ။
၅။ ခံစားခွင့်များ -
(က) သတ်မှတ်လစာနှင့်စရိတ် ခံစားခွင့်ရရှိမည်။
( ခ ) သေဆုံး/ထိခိုက်ဒဏ်ရာရရှိခဲ့လျှင် သတ်မှတ်ထားသော ခံစားခွင့်များရရှိမည်။
( ဂ ) ပြည်သူ့စစ်မှုထမ်းကာလပြီးဆုံးပါက မူလအလုပ်အကိုင်/အလားတူ အလုပ် အကိုင်တွင် ပြန်လည်ခန့်ထားရမည်။